ഹൗ ൻറപ്പോ...!!!!
ന്തായിരുന്നാക്രാന്തം ന്നാ.....????
മൂട്ടില് വെടികൊണ്ട പന്നീൻറെ ചേൽക്കൊരു പാച്ചില്...
സഡൻ ബ്രേക്ക് ചറുപറാന്ന് നാലെഞ്ചെണ്ണം ഇട്ടത്കൊണ്ട് കൗണ്ടറിടിച്ചു പൊളിച്ചതിറപ്പുറമുള്ള ഷെൽഫിൽ പടമാവാതെ കയിച്ചിലായി.....
കവലയിൽ നിര്യാതനായി എന്ന ഫ്ലെക്സിൽ കേറിയിരുന്നു ചിരിച്ചേനെ......
കൗണ്ടറിൽ കൈത്താങ്ങി തല മുന്നോട്ടാഞ്ഞു നയനമനോഹരമായ നയാഗ്ര വെള്ളച്ചാട്ടം കാണുന്ന ഉന്മാദത്തോടെ നോക്കി നിന്നു..... !!!!
ആ കാഴ്ചയുടെ കൗതുകം, മെല്ലെമെല്ലെ ഷക്കീലപ്പടം കണ്ട പതിനാറുകാരനെ പോലെ പല പോസിൽ കുനിഞ്ഞും ചരിഞ്ഞും ഷെൽഫിലേക്ക് നോക്കി വികാരതരളിതനായി കോൾമയിർ കൊണ്ടു......
വിവേകം, വേണ്ടാ.... വേണ്ടെന്ന് പറഞ്ഞെങ്കിലും വികാരത്തിനടിമപ്പെടുകയായിരുന്നു......മനുഷ്യനല്ലേ സഹജം.... സ്വാഭാവികം.....
സുതാര്യതയിൽ കൂടി കാണുന്ന വളവുകൾ നിറയുന്ന അളവുകളുടെ ആഴങ്ങളിലേക്ക് കണ്ണുകൾ ആണ്ടിറങ്ങി.....
നിർലജ്ജം തുറിച്ചു നോക്കി......
ഇരുണ്ട നിറത്തേക്കാളും തെളിഞ്ഞ കാട്ടുതേനിൻറെ നിറം ആവേശം കോരിനിറച്ചു.......
എഴുപതുകളിലെ ടി.ജി രവിയെ പോലെ ഹൃദയം ചുര മാന്തി....
അഴകൊത്ത കഴുത്തിന് താഴേക്ക് കണ്ണെത്തുമ്പോൾ ആർത്തി മൂത്ത് കേറുന്നുണ്ടായിരുന്നു......
ചെറിയ ചെറിയ അളവുകളിൽ നിന്നും കണ്ണുകൾ വലുതിലെത്തുമ്പോൾ ചുവപ്പ് കണ്ട കാളക്കൂറ്റനെ പോലെ മുക്രയിട്ട് ആവേശം സിരകളിൽ പടർന്നു. അളവുകൾക്കും നിറങ്ങൾക്കുമപ്പുറം ഓരോരൊ പേരുകളും ഹൃദയത്തിൽ കോരത്തരിപ്പ് പടർത്തി... വരും നിമിഷങ്ങളിൽ പടരുന്ന അനിർവചനീയമായ ആനന്ദത്തിന് കാതോർത്തു ഹൃദയം അതിദ്രുതമിടിച്ചു.....
"""ഒരു കോട്ടറ്....... സോവനീർ ബ്രാൻഡി ...."""
വെളുത്ത ടെട്ട്രാപാക്കിലെ അമൃത്, നീളൻ ചില്ല് ഗ്ലാസ്സിൽ വീത്തുമ്പം തന്നെ പടക്കം പോലെ സോഡ പൊട്ടി..... സുരയും സോഡയും ചേർന്നൊരുക്കിയ കുമിളയുടെ മായാപ്രപഞ്ചം നോക്കി നിൽക്കുമ്പോൾ, കൈ തൊടാവുന്നകലത്തിൽ സ്വർഗ്ഗകവടത്തിലെത്തി നിൽക്കുന്നതറിയാം....
തൊണ്ണൂറിൻറെ പതപ്പ് ഒറ്റ വലിക്ക് പിടിപ്പിച്ചു ഗ്ലാസ് താഴ്ത്തിയപ്പോഴെ അടിവയറ്റിൽ നിന്ന് കിളി രണ്ടെണ്ണം ചിൽ ചില്ലെന്ന് ചെന്നി വഴി പറന്നു പോയി....
ചെവിയിൽ ചൂളം മുഴക്കി തീവണ്ടി അന്നനാളത്തിലൂടെ പോയി....
എതിലെയോ വന്ന വാളിനെ ഒരു പിടി മിക്ചർ വാരിയിട്ടരച്ചൊതുക്കി..... പഴശ്ശിയുടെ യുദ്ധം കമ്പനി കാണാൻ കിടക്കുന്നതേയുള്ളൂ..... നമ്മളോടാ കളി....
നിൽപ്പനാ സുഖം ...... ട്വൻറി ട്വന്റി ക്രിക്കറ്റ് പോലെയാണ്. പെട്ടെന്ന് റിസൾട്ട് അടിച്ചു കൈയിൽ തരും.പിന്നെ നിൽപ്പനാവുമ്പോൾ ഏതു പൊസിഷനിലും മാറാം....കളിക്കാം....ഇരുന്നടി ടെസ്റ്റ് ക്രിക്കറ്റ് പോലെയാണ്.... വെറുതെ കുറെ നേരം ഇരുന്നു അടിക്കും .....അവസാനം സമനിലയിൽ പിരിയും,ഓവറും തീർന്നു ജയിക്കാനും പറ്റീലെന്ന മട്ടിൽ. കാശും തീർന്നു ഫിറ്റാവാതെ മാനം നോക്കി മണ്ടക്കു തല്ലാനേ ഇരുന്നടി കൊണ്ട് നടക്കൂ......
സങ്കടങ്ങളെ ശൂന്യാകാശത്തേക്കയക്കാൻ വയറ്റിൽ ഇന്ധനം ശേഖരിക്കുന്ന കന്നഡത്തുകാരന് സ്നേഹത്താൽ പൊതിഞ്ഞൊരു ചിരി കൊടുത്തു കൊണ്ടൊരു സിഗരറ്റിന് തീ കൊളുത്തി......
വയറ്റിൽ......ഒരെരിച്ചിൽ....ആഹാ,
പുകച്ചിൽ ...... ആഹഹാ......
ചന്ദ്രയാൻ മെല്ലെ പൊങ്ങാൻ തുടങ്ങി.ചന്ദ്രയാൻ ഇച്ചിരി സ്ലോ മോഷനിലാ പൊങ്ങിയതെങ്കിലും, തേനീച്ച പോലെ മൂളി തലക്ക് രണ്ടു റൗണ്ടും ചുറ്റി ഒറ്റ പോക്കായിരുന്നു......
പോയിട്ടെന്തോ അത്യാവശ്യം ഉള്ളത് കൊണ്ട് രണ്ടാമത്തെ തൊണ്ണൂറു ഒഴിച്ചു പിന്നാലെ സോഡയും. ബ്രാൻഡിയും സോഡയുമായി ഇഴുകി ചേർന്ന് കുമിളകൾ വിട്ടു..... വിടും.... കുമിള വിടും ..... എനിക്ക് പണ്ടേ അറിയായിരുന്നു..... സോഡ ആള് ശെരിയല്ലെന്ന് !!!!
ഈ തൊണ്ണൂറ്.....
വിക്ഷേപണത്തിൻറെ രണ്ടു ഘട്ടങ്ങളിലൂടെ കടന്നു പോയി..... തലയൊന്നു കുടഞ്ഞ് അടുത്ത് നിന്ന കന്നഡത്തുകാരന് ഒരു പുളിച്ച ചിരി കൊടുക്കാൻ വേണ്ടി കഴുത്ത് തിരിച്ചു....
ങ്ഹെ!!!!
ഞെട്ടിപ്പോയി.... ലാണ്ടവിടെ നിൽക്കുന്നു ഒരു ഹിന്ദിക്കാരൻ..... !!!!!
നിന്ന നിൽപ്പിൽ സംസ്ഥാനം മാറിപ്പോയതു പോലുമറിഞ്ഞില്ല.....
അടിപൊളി.....
വാ പിളർത്തി ബിയറൊഴിച്ച് വിഴുങ്ങി അവനൊരു കാവി ചിരി തന്നു..... അവന് തിരിച്ചു കൊടുക്കാൻ ഞാനൊരു ചുവപ്പൻ ചിരി തപ്പി... കിട്ടിയില്ല......... ആ ക്ഷീണം മാറ്റാൻ അവനോടായി അലറി
""എനിക്കുമുണ്ട്രാ പിടി ഡൽഹിയിൽ"""
ഹിന്ദിക്കാരൻറ നോട്ടത്തിൽ ഇന്ത്യയിൽ മുഴുവനുമുണ്ട് പിടി എന്ന ഭാവം...
ഞാൻ പിടി വിട്ടു.....(ഹിന്ദിക്കാരൻ..... പോട്ടെ പുല്ല്.... വെറുതെ എന്തിനാ അവൻറെ കൈയിൽ നിന്നും വല്ലതും വാങ്ങുന്നത് )
ബോജ്പുരി കടിച്ചു കുടഞ്ഞു ബിയറിൽ മൂക്കും കുത്തി വടക്കോട്ട് പോയി അവൻ.....(അതോണ്ടു നന്നായി.....ഇല്ലെങ്കീ ഇവിടൊരു ലോഡ് ശവം വീണേനെ....)
പെരടിക്കൊന്നമർത്തി തിരുമ്മി;കണ്ണൊന്നു തിരുമ്മി ഭ്രമണപഥം ലക്ഷ്യമാക്കി ഞാനും പ്രയാണം തുടങ്ങി.....
മൊത്തത്തിൽ ഒരു സുഖം.... നല്ല റോഡിൽ ടോപ് ഗിയറിൽ പോകുന്ന ഫീൽ.വണ്ടി നമ്മളേയും കൊണ്ട് പായുന്നു.....മൊത്തത്തിൽ ഒരു ഗുമ്മുണ്ട്.....
മൂന്നാമത്തെ തൊണ്ണൂറു ഇപ്പോഴത്തെ ജലക്ഷാമം പരിഗണിച്ച് കുറച്ചു സോഡ മാത്രം ചേർത്ത് തൊണ്ട തൊടാതെ വിഴുങ്ങി..... കണ്ണു തള്ളിച്ചു കൊണ്ട് തീയുണ്ടയൊന്ന് വയറ്റിൽ കലാപം തീർത്തു.എരിച്ചിൽ, പുകച്ചിൽ.....
ആഹാ... ആഹഹാ.... ലോകത്തോട് മൊത്തം പുച്ഛം തോന്നി...... അടിപൊളി ...... ഇപ്പോഴാണ് ട്രാക്കിൽ വന്നത്.....
അടുത്ത് നിൽക്കുന്നവൻ മറ്റവനോട് പറയുന്നത് ശരിയല്ല.അവനെ രൂക്ഷമായി ഞാൻ നോക്കി.
അവനെന്നെ പോടാ എന്ന് നോക്കി...
ഞാനവനേ വാടാ എന്ന് നോക്കി......
സൂപ്പർ...
ഇപ്പോഴാണ് റങ്കായത്...
കൗണ്ടർ ഒന്ന് ചരിഞ്ഞോ.... ????
ഇല്ല.!!!
ചുമരൊന്നിളകിയോ .....????
ഏയില്ല...!!!
കണ്ണിനാണോ തലക്കാണോ ഭാരം.
തല പൊക്കി നോക്കിയപ്പോഴാണ് അറിയുന്നത് ബാക്കി മൊത്തം ചുറ്റും കറങ്ങികൊണ്ടിരിക്കുകയാണെന്ന്.....
ഇനിയും ഒരു തൊണ്ണൂറിനപ്പുറമാണ് പഴയ ഭ്രമണപഥം.
കണ്ണുകളിൽ മൂടൽ മഞ്ഞിറങ്ങി. കറങ്ങുന്ന പ്രപഞ്ചത്തിൽ നിന്നൊരു കസേര പിടിച്ചു വച്ച് അതിലേക്ക് ഞാനെന്നെ പ്രതിഷ്ഠിച്ചു .....
കറങ്ങുന്ന ലോകത്തിൽ കറങ്ങാത്തത് ഞാൻ മാത്രം....
മെല്ലെ മെല്ലെ ഭൂമിയുടെ കറക്കം നിൽക്കുകയും ഞാൻ കറങ്ങാൻ തുടങ്ങുകയും ചെയ്തു.
വളരെ പതുക്കെ ശബ്ദയാനമായ നിശബ്ദതയിലേക്ക് തല ചെരിച്ചു കാലും നീട്ടിയിരുന്നു.
പിരി വെട്ടിയ അടപ്പ് മാതിരി തല കഴുത്തിൽ കിടന്നു കറങ്ങി.
------++++----+++++++++-------++++++-----++++++-----+±+--
""""അപ്പൂ... കുഞ്ചു .....എണീക്കടാ.....ഏഴു മണിയായി""""
സ്വന്തം ഭാര്യയുടെ കളഗർജ്ജനം കേട്ട് ചാടിയെണീറ്റു പോയി....
നല്ലൊരു സ്വപ്നം വീണുടഞ്ഞു നറുനാശമായി.
യാഥാർത്ഥ്യത്തിലേക്ക് തിരിച്ചു വന്നെങ്കിലും കുറച്ചു നേരം അങ്ങിനിരിക്കാൻ തോന്നി.....
അഞ്ഞൂറ് കോടിയുടെ ലോട്ടറി അടിച്ചിട്ട്, അത് വാങ്ങാൻ പോകുമ്പോൾ ഹെലികോപ്റ്റർ തകർന്നു മരിച്ചവൻറെ അവസ്ഥ.....
ഞെട്ടിയുണർന്നപ്പോൾ സങ്കടം തോന്നി.....
വെറുതെ കലണ്ടറിൽ നോക്കിയപ്പോൾ കിളിപോയി. അടിപൊളി..... ജീവിതത്തിൽ നിന്നും മദ്യം വിട പറഞ്ഞിട്ട് പതിനാല് മാസം പൂർത്തിയാക്കിയ ദിവസം......
ഈ നിമിഷവും മനസ്സിൽ നിന്നുള്ള വിറയൽ മാറിയില്ല....
ഇനിയൊരു തിരിച്ചു പോക്കില്ലന്ന് ഒരിക്കൽ കൂടി മനസ്സിലെഴുതി ചേർത്തു.....
മിടുക്കൻ... ഇനിയൊരു തിരിച്ചുപോക്ക് വേണ്ടാ....
മറുപടിഇല്ലാതാക്കൂഇല്ല... വിനുവേട്ടാ....
ഇല്ലാതാക്കൂഇനിയൊരു തിരിച്ചു പോക്കില്ല......അതുറപ്പ്...
സ്നേഹം.....,
സ്വപ്നം വി കെൻ എൻ ശൈലിയിൽ ആയി..രസകരം..
മറുപടിഇല്ലാതാക്കൂഎത്രയോ വലിയ വാക്കുകളാണ് മുഹമ്മദിക്ക.....
ഇല്ലാതാക്കൂപ്രത്യേകിച്ച് ഒന്നിനേയും പിൻപ്പറ്റിയല്ല എഴുതിയത്....
നല്ല വാക്കുകൾക്ക് സ്നേഹം....
ഈ തണുപ്പും കുളിരും
മറുപടിഇല്ലാതാക്കൂവിട്ട് സ്ഥിരമായി നാട്ടിൽ വന്നിട്ടു വേണം
എനിക്കും ഈ സ്കോട്ടിഷ് വെള്ളം കുടി നിറുത്താൻ ...
എന്നാലും സ്വപ്നത്തിൽ പോലും
സാഷാത്കരിക്കുവാൻ സാധിച്ചില്ലല്ലോ ..പാവം ..!
അതെ മുരളിയേട്ടാ....
ഇല്ലാതാക്കൂനിർത്തിയതിൻറെ സുഖം കൂടി അറിയണമല്ലോ.....
തണുപ്പ് വിട്ട് ചൂടിലേക്ക് സുസ്വാഗതം.....
ടാ...എന്ത് പൂശാടാ പൂശിയത്..
മറുപടിഇല്ലാതാക്കൂഇത്രേം പെരുത്ത കിംഗ് കോങ്ങ് 3ആമന്റെ പോലുള്ള ഭീതിതമായ നിന്റെ ശരീരത്തിൽ
നിന്നാണോ ഇത്രേം ഹാസ്യം????
ടാ സത്യം പറയാലോ...
നീ ഇത് വരെ എഴുതിയതിൽ ഏറ്റവും
കൊതിപ്പിച്ച,, അസൂയിപ്പിച്ച,,പോസ്റ്റ്..
ചറു പിറാന്ന് ഇട്ട 4,5 സഡൻ ബ്രെക്ക് മുതൽ...ഞാനങ്ങോട്ട് ബ്രെക്ക് ഇല്ലാതെ
ഒറ്റ പൊക്കായിരുന്നു.അതും കുത്തനെ ഉള്ള ഒരു ഇറക്കത്തിൽ..
ഇടിച്ചു നിന്നത് നിന്റെ ഭാര്യയുടെ വിളിയിൽ..(അപ്പൂ, കുഞ്ചൂ..മോൻസ്? നിന്നെ അങ്ങിനെ വിളിക്കാൻ മാത്രം മണ്ടി യാവില്ല പുള്ളി ഇന്ന് വിശ്വസിക്കുന്നു)
കാവിയും ,ചോപ്പും തമ്മിലുള്ള വെല്ലുവിളി,
ഇന്ത്യയും കേരളവും തമ്മിലുള്ള യുദ്ധ പ്രഖ്യാപനം, ഭ്രമണപഥം...
ഒരു രക്ഷയുമില്ല...
ഇതിൽ കൂടുതൽ എങ്ങനെ ഇഷ്ടം പറയണം ന്ന് ഒരു പിടിയുമില്ല
സലാം...സഹോ..
വഴിയേ സ്നേഹം.....
ഇല്ലാതാക്കൂനിന്റെ വാക്കുകൾ കേട്ട് ഒന്നരക്കിലോ ജീവൻടോൺ തിന്ന ഫലമാണ് കിട്ടിയത്.... നല്ല വാക്കുകൾക്ക് സ്നേഹം....
ഞാൻ ഓർത്തു ആദി തുടങ്ങിയെന്നു..
മറുപടിഇല്ലാതാക്കൂഇനി ഒരിയ്ക്കലും വേണ്ട.
മാരകപദപ്രയോഗങ്ങൾ കൊണ്ടുള്ള ഘോരയുദ്ധം.
സാക്ഷാൽ കുട്ടത്തൻ സ്റ്റൈൽ. അതിമനോഹരം.
സുധി.,.. നിന്നോളം വരില്ലെന്നെറിയാം.,
ഇല്ലാതാക്കൂനിന്റെ വാക്കുകൾ ഇനിയും എഴുതാനുള്ള ഒരു പ്രചോദനം നൽകുന്നു... ബൂലോകം വീണ്ടും ഉഷാറാവട്ടേ.....
ഇത് ഫേസ്ബുക്കിൽ ഇട്ടതല്ലേ ?
മറുപടിഇല്ലാതാക്കൂഞാൻ വായിച്ചിട്ട് ഉണ്ടല്ലോ ...
എന്തായാലും സംഗതി കിടിലൻ ആയിട്ടുണ്ട്
മാസത്തിൽ ഓരോ പോസ്റ്റ് വച്ചു കാച്ചിക്കോ...
അതെ .... മാസത്തിൽ ഒന്ന് വച്ച് അറിയാതെയാണെങ്കിലും പോസ്റ്റാവുന്നുണ്ട്.....
ഇല്ലാതാക്കൂസ്നേഹം
കുട്ടേട്ടൻ വീണ്ടും ആയുധമെടുത്തല്ലേ... സന്തോഷം.... ഇനിയും സസന്തോഷം ഇങ്ങു പോന്നോട്ടെ.. വെള്ളം ചേർക്കാതെ... (സോഡ വേണങ്കിൽ ആകാം. രണ്ടു ഏമ്പക്കം വിടാല്ലോ... )
മറുപടിഇല്ലാതാക്കൂഅദ്ദാണ്.,... വന്നു അശോകേട്ടൻ.....
ഇല്ലാതാക്കൂആയുധം കൈയ്യിലെടുത്തതിൽ ഒരു പങ്ക് അശോകേട്ടനുമുണ്ട്...
സോഡ മാത്രമായിട്ട് വിഴുങ്ങാമെന്ന് കരുതുന്നു.....
സ്നേഹം
ഒന്നും പുടി കിട്ടിയില്ല ട്ടോ ..വിനോദ് ....വായിച്ചു താഴോട്ട് വരുമ്പം ഏതാണ്ട് സംഗതി പിടികിട്ടി. അപ്പോ ഇനി ഇങ്ങനെ തന്നെ നല്ല മനുഷ്യനായി മുന്നോട്ടും തുടരാൻ ഈശ്വരൻ അനുഗ്രഹിക്കട്ടെ .
മറുപടിഇല്ലാതാക്കൂഎഴുത്ത് ഉഗ്രൻ
ഗീതേച്ചി....
ഇല്ലാതാക്കൂസ്നേഹം നിറഞ്ഞ വാക്കുകൾ പുതിയൊരൂർജ്ജം നൽകുന്നു....
ഇനിയും എഴുതാനുള്ളൊരു ത്വര ഉണ്ടാക്കുന്നു.... സ്നേഹം
പതിനാലു മാസമല്ല പതിനാലു കൊല്ലം കഴിഞ്ഞാലും ഇത് സ്വപ്നം മാത്രമായി നിൽക്കട്ടെ!
മറുപടിഇല്ലാതാക്കൂമേൻനേ....മ്മക്ക് കൊർച്ച് കാലം റസ്റ്റാ കൊടുക്കാം.....
ഇല്ലാതാക്കൂസംഭവം പൊളിച്ചൂന്നെനിക്കും തോന്നി അതാ കണ്ടിന്യൂ ആക്കിയേ.....
തിരിച്ചു പോക്കില്ലന്ന വാക്ക് എന്റെ ഉള്ളിൽ പൂക്കുന്ന്..സ്നേഹം ഇണ്ട് ട്ടാ കുട്ടത്തെ. എന്നാലും മനസ്സിന്റെ അലമ്പ് കണ്ടോ.. നിലപ്നടിക്കാൻ അത് സ്വപ്നം കാണുന്നു.. അവസാനം കഴുത്തിൽ ഉറക്കാത്ത കഴുത്തും കാണിച്ചത് വെറുപ്പിക്കുന്നു.. ആ വെറുപ്പ് നീണ്ട് നീണ്ട് നിന്ന് കുട്ടന്മാർടെ ഒപ്പം കാലം കുറെ ആർമാദിക്കാൻ ഇടവരട്ടെ എന്ന് ആശംസിക്കുന്നു പഹയാ.
മറുപടിഇല്ലാതാക്കൂതിരിച്ചു പോക്കില്ലെന്നത് നേര് തന്നെ.....
ഇല്ലാതാക്കൂഇൻസ്പിരേഷൻ തരുന്ന വാക്കുകൾ....
സ്നേഹം വക്കീലേ......
നന്നാകാൻ തീരുമാനിച്ചല്ലോ അത് മതി
മറുപടിഇല്ലാതാക്കൂപിന്നെന്താ.......
ഇല്ലാതാക്കൂസ്നേഹം ചങ്ങാതി
ഈ സ്വപ്നം ഫലിക്കാതിരിക്കട്ടേ!
മറുപടിഇല്ലാതാക്കൂതുടക്കത്തിലെന്താന്ന് നിനച്ചു | സ്വപ്നമാണെന്നു മനസ്സിലായപ്പോൾ സന്തോഷിച്ചു
ആശംസകൾ